囡囡激死人語錄:
今日姐姐生日, 買咗個生日蛋糕同佢慶祝 -
姐姐: 多謝先生, 多謝太太
囡囡: 姐姐你做乜唔多謝我?
眾人: =_="

囡囡笑死人語錄 -
老師：「一悅你曬太陽嚟呀？」
囡囡：「唔係呀！」
老師：「咁點解你咁黑嘅？」
囡囡：「因為媽咪成日錫我，錫到我"窿"哂囉！」
老師：=_="

兩父女笑死人語錄：
爸爸：你訪問我，問下我點解咁犀利呀？
囡囡：爸爸，點解你咁犀利嘅？
爸爸：因為我食好多飯，生得好高囉！
媽媽：=_="

囡囡笑死人語錄：
囡囡咳完爸爸咳，爸爸咳完媽媽咳。
囡囡（攤開雙手作無奈狀）：我哋三個咁樣，點算呀？！

囡囡情人節冧死人語錄：「媽媽，落雨，記得帶遮呀！」

囡囡精甩邊語錄:
話說我買咗支tag reader pen俾囡囡做聖誕禮物, 佢好興奮咁係咁篤d書. 到咗臨瞓嘅story time -
媽咪: 你快d揀本書俾媽咪講啦
囡囡: 我要用支筆講!
媽咪: 咁你要用支筆講定係要媽咪講?
囡囡: 用支筆講完, 跟住媽咪講!
媽咪: =_="......

囡囡激死人語錄:
囡囡: 你要唔要貼紙呀?
姐姐: 可唔可以唔要呀?
囡囡: 唔得!
..... 囡囡好明顯得到我嘅真傳! =_="

囡囡笑死人語錄: "爸爸媽媽朝朝都一齊返工, 佢地係好好朋友嚟架!"

囡囡激死人語錄:
囡囡(沖完涼換衫時突然挨住剛下班還未換衫的媽媽聞了聞): 唔, 你臭崩崩!!
媽媽: =_=""

囡囡激死人語錄:
囡囡(邊講邊巡視玩具): 爸爸你唔好唱歌, 唔好講故仔, 唔好玩波, 唔好瞓覺, 唔好聽歌....
爸爸: =_=""

囡囡爆笑語錄:
媽媽身穿背心wakeboard褲自墾丁旅行回到家中, 好幾天沒見到媽媽的囡囡卻只是一直的盯著媽媽的褲子. 媽媽正感不解之際 -
囡囡: 你係咪去左游水呀?
媽媽: (呆)
囡囡: 做乜去游水唔叫我呀?!!
媽媽: ........